പട്‌ന ആസ്ഥാനമായുള്ള ഈസ്റ്റ് സെൻട്രൽ റയിൽവേയിൽ അപ്രന്റീസ്ഷിപ്പിന് അപേക്ഷകൾ ക്ഷണിച്ചു. വിവിധ ട്രേഡുകളിലായി 1832 പേർക്ക് അവസരമുണ്ട്. ഐ.ടി.ഐ യോഗ്യതയുള്ള ഉദ്യോഗാര്ഥികള്ക്കാണ് അവസരം. വിവിധ ഡിവിഷനുകളിലും യൂണിറ്റുകളിലുമായുള്ള ഒഴിവുകൾ ചുവടെ.
ഒഴിവുള്ള ട്രേഡുകൾ:
ഫിറ്റർ, വെൽഡർ, മെക്കാനിക് (ഡീസൽ), റഫ്രിജേഷൻ ആൻഡ് എ.സി മെക്കാനിക്, ഫോർജർ ആൻഡ് ഹീറ്റ് ട്രീറ്റർ, കാർപ്പെന്റർ, ഇലക്ട്രോണിക് മെക്കാനിക്, പെയിന്റർ (ജനറൽ), ഇലക്ട്രിഷ്യൻ, വയർമാൻ, ടർണർ, മെഷിനിസ്റ്റ്, വെൽഡർ (ജി ആൻഡ് ഇ), മെക്കാനിക്ക് ഡീസൽ (ഫിറ്റർ), എം.എം.ടി.എം, ബ്ലാക്ക് സ്മിത്ത്, ലബോറട്ടറി അസ്സിസ്റ്റന്റ്റ്, മെഷിനിസ്റ്റ് / ഗ്രൈന്റർ, മെക്കാനിക് എം.വി .
യോഗ്യത:
ഉദ്യോഗാർത്ഥികൾക്ക് പ്ലസ് ടു സമ്പ്രദായത്തിലുള്ള പത്താം ക്ലാസ്സിൽ 50 ശതമാനം മാർക്കോടെയുള്ള വിജയം അല്ലെങ്കിൽ തത്തുല്യമായ യോഗ്യത. കൂടാതെ ബന്ധപ്പെട്ട ട്രേഡിൽ ഐ.ടി.ഐ.
പ്രായ പരിധി:
ഉദ്യോഗാർത്ഥികൾക്ക് 01.01.2023 ന് 15 - 24 വയസ്സ് വരെ പ്രായമുണ്ടായിരിക്കണം. ഉയർന്ന പ്രായ പരിധിയിൽ എസ്.സി, എസ്.ടി വിഭാഗക്കാർക്ക് അഞ്ചു വർഷത്തെയും ഒ.ബി.സി വിഭാഗത്തിൽപ്പെട്ട ഉദ്യോഗാർത്ഥികൾക്ക് മൂന്ന് വർഷത്തെയും ഇളവുകൾ ലഭിക്കും. ഭിന്ന ശേഷിക്കാരായ ഉദ്യോഗാർത്ഥികൾക്ക് ജനറൽ- 10 വർഷം, ഒ.ബി.സി- 13 വർഷം, എസ്.സി, എസ്.ടി- 15 വർഷം എന്നിങ്ങനെയും ഇളവുകൾ ലഭിക്കും. വിമുക്ത ഭടന്മാരായ ഉദ്യോഗാര്ഥികള്ക്കും നിയമപ്രകാരമുള്ള ഇളവുകൾ ലഭിക്കുന്നതായിരിക്കും.
അപേക്ഷ ഫീസ്:
ഈ തസ്തികയിലേക്ക് അപേക്ഷിക്കാൻ 100 രൂപ അപേക്ഷാ ഫീ അടക്കേണ്ടതുണ്ട്. വനിതകൾക്കും എസ്.സി, എസ്.ടി ഭിന്നശേഷി വിഭാഗങ്ങൾക്കും ഫീ ബാധകമല്ല. അപേക്ഷ ഫീ ഓൺലൈനായാണ് അടക്കേണ്ടത്.
തിരഞ്ഞെടുപ്പ് രീതി:
ഡിവിഷൻ / യൂണിറ്റ് തരത്തിലായിരിക്കും ഉദ്യോഗാർത്ഥികളെ തിരഞ്ഞെടുക്കുന്നത്. അപേക്ഷകൾ ഓൺലൈനായാണ് സമർപ്പിക്കേണ്ടത്. അപേക്ഷയോടൊപ്പം ഫോട്ടോ, ഒപ്പ്, സർട്ടിഫിക്കറ്റുകൾ തുടങ്ങിയവ വിജ്ഞാപനത്തിൽ നിർദ്ദേശിച്ചിട്ടുള്ള മാതൃകയിൽ തന്നെ അപ്‌ലോഡ് ചെയ്യണം. അപേക്ഷകൾ ഡിസംബർ 9 വൈകീട്ട് 5 മാണി വരെ ലഭിക്കും.
അപേക്ഷിക്കാൻ താല്പര്യമുള്ള ഉദ്യോഗാർത്ഥികൾ താഴെക്കൊടുത്തിരിക്കുന്ന നോട്ടിഫിക്കേഷൻ ലിങ്ക് സന്ദർശിച്ചു വിശദവിവരങ്ങൾ വായിച്ചു മനസ്സിലാക്കിയ ശേഷം അപേക്ഷിക്കുക.