കേരള ഹൈക്കോടതിയിൽ പുതിയതായി ഒഴിവ് വന്ന അസ്സിസ്റ്റന്റ്റ് തസ്തികയിലേക്ക് നിയമനത്തിനുള്ള വുജ്ഞാപനം പ്രസിദ്ധീകരിച്ചു. ആകെ 45 ഒഴിവുകളിലേക്കാണ് നിയമനം. ഇതിൽ 4 ഒഴിവുകളിലേക്ക് ഭിന്നശേഷി വിഭാഗത്തത്തിനുള്ള സ്പെഷ്യൽ റിക്രൂട്ട്മെന്റും മറ്റുള്ളവയിലേക്ക് നേരിട്ടുള്ള നിയമനവുമാണ് നടത്തുന്നത്.
യോഗ്യത:
ഉദ്യോഗാര്ഥികൾക്ക് 50 ശതമാനം മാർക്കോടെ ബിരുദം അല്ലെങ്കിൽ കേരളത്തിലെ സർവ്വകലാശാലകൾ അംഗീകരിച്ചിട്ടുമുള്ള നിയമ ബിരുദം. കംപ്യൂട്ടർ പരിജ്ഞാനം അഭിലഷണീയമാണ്.
പ്രായ പരിധി:
02.01.1988 നും 01.01.2006 നും ( രണ്ട് തിയതിയുമുൾപ്പെടെ) ഇടയിൽ ജനിച്ചവർക്ക് അപേക്ഷിക്കാം. പ്രായ പരിധിയിൽ സംവരണ വിഭാഗത്തത്തിൽപ്പെട്ട ഉദ്യോഗാർത്ഥികൾക്ക് നിയമാനുസൃത ഇളവുകൾ ലഭിക്കും.
ശമ്പളം:
തിരഞ്ഞെടുക്കപ്പെടുന്നവർക്ക് 39300 രൂപ മുതൽ 83000 രൂപ വരെ ശമ്പളമായി ലഭിക്കും.
തിരഞ്ഞെടുപ്പ് രീതി:
ഒബ്ജക്റ്റീവ് പരീക്ഷ, ഡിസ്ക്രിപ്റ്റീവ് പരീക്ഷ, അഭിമുഖം തുടങ്ങിയവയുടെ അടിസ്ഥാനത്തിലായിരിക്കും നിയമനം. ഒബ്ജക്റ്റീവ് പരീക്ഷ 100 മാർക്കിന് ഒ.എം.ആർ രീതിയിലാകും നടക്കുക. ജനറൽ ഇംഗ്ലീഷ് - 50 മാർക്ക്, ജനറൽ നോളേജ് - 40 മാർക്ക്, അടിസ്ഥാന ഗണിതവും മാനസിക ശേഷി പരിശോധനയും - 10 മാർക്ക് എന്നിങ്ങനെയായിരിക്കും മാർക്ക് വിഭജനം ഉണ്ടാകുക. 75 മിനിറ്റാണ് പരീക്ഷയുടെ സമയം.
60 മാർക്കിനായിരിക്കും ഡിസ്ക്രിപ്റ്റീവ് പരീക്ഷ ഉണ്ടാകുക. 60 മിനിട്ടാണ് സമയം. സംഗ്രഹിച്ചെഴുതൽ, കോംപ്രിഹെൻഷൻ, ചെറു ഉപന്യാസം തയ്യാറാക്കൽ തുടങ്ങിയവയുണ്ടാകും.
അപേക്ഷ ഫീസ്:
ഈ തസ്തികയിലേക്ക് അപേക്ഷിക്കാൻ 500 രൂപയാണ് അപേക്ഷ ഫീസ്. എസ്.സി, എസ്.ടി, തൊഴിൽ രഹിതരായ ഭിന്നശേഷിക്കാർ തുടങ്ങിയവർക്ക് അപേക്ഷാ ഫീസ് അടക്കേണ്ടതില്ല.
അപേക്ഷിക്കേണ്ട രീതി:
ഉദ്യോഗാർത്ഥികൾ www.hckrecruitment.keralacourts.in എന്ന വെബ്‌സൈറ്റ് വഴി വൺ ടൈം രെജിസ്ട്രേഷൻ പൂർത്തിയാക്കിയ ശേഷം ഏപ്രിൽ ഒന്ന് മുതൽ അപേക്ഷ സമർപ്പിക്കണം.
അപേക്ഷ സമർപ്പിക്കേണ്ട അവസാന തിയതി : മെയ് 2.