ക്ഷീര വികസന വകുപ്പിന്റെ 2024-25 സാമ്പത്തിക വര്‍ഷത്തെ വാര്‍ഷിക പദ്ധതിയുടെ ഭാഗമായി തീറ്റപ്പുല്‍കൃഷി വികസന പദ്ധതി, മില്‍ക്ക് ഷെഡ് വികസന പദ്ധതി എന്നിവ ഫലപ്രദമായി നടപ്പിലാക്കുന്നതിലേക്കായി എറണാകുളം ജില്ലയിലെ 15 ക്ഷീരവികസന യൂണിറ്റ് കാര്യാലയങ്ങളിലേക്ക് ജോലിക്കാരെ നിയമിക്കുന്നു. ഡയറി പ്രൊമോട്ടര്‍, വുമണ്‍ ക്യാറ്റില്‍ കെയര്‍ വര്‍ക്കര്‍ എന്നീ തസ്തികകളിലേക്കാണ് നിയമനം. ബ്ലോക്ക് തലത്തില്‍ പ്രവര്‍ത്തിക്കുന്ന ഒരു ക്ഷീരവികസന യൂണിറ്റില്‍ ഒരു ഡയറി പ്രൊമോട്ടര്‍, ഒരു വുമണ്‍ ക്യാറ്റില്‍ കെയര്‍ വര്‍ക്കര്‍ എന്ന നിലയിലാണ് നിയമനം നടത്തുന്നത്.
പ്രായപരിധി
1. ഡയറി പ്രൊമോട്ടര്‍
18 മുതല്‍ 45 വയസ് വരെയാണ് പ്രായമുള്ളവർക്ക് അപേക്ഷിക്കാം. (പ്രായപരിധി 01-01-2024 അടിസ്ഥാനമാക്കി കണക്കാക്കും).
2. വുമണ്‍ ക്യാറ്റില്‍ കെയര്‍ വര്‍ക്കര്‍
ഈ ഒഴിവിലേക്ക് 18 മുതല്‍ 45 വയസ് വരെ പ്രായമുള്ള വനിതകള്‍ക്കാണ് അവസരം. (വയസ്സ് 01-01-2024 പ്രകാരം അനുവദിക്കുന്നതാണ്).
യോഗ്യത
1. ഡയറി പ്രൊമോട്ടര്‍
ഉദ്യോഗാർത്ഥികൾ എസ്.എസ്.എല്‍.സി പാസായിരിക്കണം. കൂടെ കമ്പ്യൂട്ടര്‍ പരിജ്ഞാനം ഉള്ളവരായിരിക്കണം. അതത് ക്ഷീരവികസന യൂണിറ്റ് പരിധിയില്‍ സ്ഥിര താമസക്കാരനായിരിക്കുകയും വേണം. മുമ്പ് ഡയറി പ്രൊമോട്ടര്‍മാരായി സേവനമനുഷ്ഠിച്ചിട്ടുള്ളവര്‍ക്ക് ആ സേവന കാലയളവ് പ്രായപരിധിയില്‍ ഇളവ് അനുവദിക്കുന്നതും പ്രവൃത്തി പരിചയമുള്ളവര്‍ക്ക് മുന്‍ഗണന ഉണ്ടായിരിക്കുന്നതാണ്.
2. വുമണ്‍ ക്യാറ്റില്‍ കെയര്‍ വര്‍ക്കര്‍
ഉദ്യോഗാർത്ഥികൾ എസ്.എസ്.എല്‍.സി പാസായിരിക്കണം. കൂടെ കമ്പ്യൂട്ടര്‍ പരിജ്ഞാനമുണ്ടായിരിക്കണം. അതത് ക്ഷീരവികസന യൂണിറ്റ് പരിധിയില്‍ സ്ഥിരതാമസക്കാരനായിരിക്കുകയും വേണം. മുമ്പ് വുമണ്‍ ക്യാറ്റില്‍ കെയര്‍ വര്‍ക്കര്‍മാരായി സേവനമനുഷ്ഠിച്ചിട്ടുള്ളവര്‍ക്ക് ആ സേവന കാലയളവ് പ്രായപരിധിയില്‍ ഇളവ് അനുവദിക്കുന്നതും പ്രവൃത്തിപരിചയമുള്ളവര്‍ക്ക് മുന്‍ഗണന ലഭിക്കുന്നതുമാണ്.
അപേക്ഷ
ഈ ഒഴിവുകളിലേക്ക് പരമാവധി 10 മാസത്തേക്കാണ് നിയമനം നടക്കുന്നത്. തിരഞ്ഞെടുക്കപ്പെടുന്നവർക്ക് പ്രതിമാസം 8000 രൂപ നിരക്കില്‍ വേതനം നല്‍കും. ബ്ലോക്ക് തലത്തില്‍ പ്രവര്‍ത്തിക്കുന്ന ക്ഷീരവികസന യൂണിറ്റുകളില്‍ നിന്ന് ലഭിക്കുന്ന നിശ്ചിത മാതൃകയിലുള്ള അപേക്ഷകള്‍, പാസ്‌പോര്‍ട്ട് സൈസ് ഫോട്ടോ പതിച്ച് പൂരിപ്പിച്ച് അനുബന്ധ രേഖകള്‍ തുടങ്ങിയവ സഹിതം ജൂണ്‍ 14ന് ഉച്ച കഴിഞ്ഞ് 3നകം അതത് ക്ഷീരവികസന ഓഫീസര്‍ മുമ്പാകെ സമര്‍പ്പിക്കണം. കൂടുതല്‍ വിവരങ്ങള്‍ അറിയാനായി ബ്ലോക്ക് തലത്തില്‍ പ്രവര്‍ത്തിക്കുന്ന ക്ഷീരവികസന യൂണിറ്റുകളില്‍ ബന്ധപ്പെടാം