കേരള സർക്കാരിന് കീഴിൽ കേരള ജല അതോറിറ്റിയിൽ ജോലി നേടാൻ സുവർണ്ണാവസരം. കേരള ജല അതോറിറ്റിയിൽ ഒഴിവ് വന്നിട്ടുള്ള ഓവർസിയർ II തസ്തികയിലാണ് നിയമനം നടത്തുന്നത്. ആകെ 37 ഒഴിവുകളാണുള്ളത്. പി.എസ്.സി വഴി നേരിട്ടുള്ള നിയമനമാണ് നടക്കുന്നത്. ഈ ഒഴിവിലേക്ക് അപേക്ഷിക്കാൻ യോഗ്യരായ ഉദ്യോഗാർത്ഥികൾക്ക് പി.എസ്.സിയുടെ ഔദ്യോഗിക വെബ്സൈറ്റ് വഴി ഓണ്‍ലൈനായി അപേക്ഷ നല്‍കാം. നിശ്ചിത യോഗ്യതയുള്ള ഉദ്യോഗാർത്ഥികൾക്ക് അവസാന തിയതിയായ ജൂൺ 6 വരെ ഓൺലൈനായി അപേക്ഷിക്കാം. വിശദവിവരങ്ങൾ ചുവടെ.
യോഗ്യത
- എസ്.എസ്.എൽ.സി പരീക്ഷ വിജയിച്ചിരിക്കുകയോ അല്ലെങ്കിൽ തത്തുല്യ യോഗ്യതയോ ഉണ്ടായിരിക്കണം.
- ഡ്രാഫ്റ്സ്മാൻ (സിവിൽ / മെക്കാനിക്കൽ) ട്രേഡിലുള്ള രണ്ടു വർഷത്തെ കോഴ്സ് പൂർത്തിയാക്കിയതിനു ശേഷമുള്ള നാഷണൽ കൗൺസിൽ ഫോർ വൊക്കേഷണൽ ട്രെയിനിങ് (NCVT) നൽകുന്ന നാഷണൽ ട്രേഡ് സർട്ടിഫിക്കറ്റ് അല്ലെങ്കിൽ തത്തുല്യ യോഗ്യത.
അല്ലെങ്കിൽ ,
- രണ്ട് വർഷത്തെ കോഴ്സ് പൂർത്തിയാക്കിയതിന് ശേഷം കേരള സർക്കാർ നൽകുന്ന സിവിൽ / മെക്കാനിക്കൽ എൻജിനീയറിങ്ങിലെ സർട്ടിഫിക്കറ്റ് (കെ.ജി.സി.ഇ) അല്ലെങ്കിൽ തത്തുല്യ യോഗ്യത.
പ്രായപരിധി
ഈ ഒഴിവിലേക്ക് 18 മുതൽ 50 വയസ്സ് വരെ പ്രായമുളളവർക്ക് അപേക്ഷിക്കാം. 02.01.1975 നും 01.01.2007 നും ഇടയിൽ ജനിച്ച ഉദ്യോഗാർത്ഥികൾക്ക് മാത്രമേ അപേക്ഷിക്കാൻ അർഹതയുള്ളൂ.
ശമ്പളം
ഈ ഒഴിവിലേക്ക് തിരഞ്ഞെടുക്കപ്പെടുന്നവർക്ക് പ്രതിമാസം 27200 രൂപ മുതൽ 73600 രൂപ വരെ ശമ്പളം ലഭിക്കും.
അപേക്ഷിക്കേണ്ട രീതി
ഈ ഒഴിവിലേക്ക് അപേക്ഷിക്കാൻ യോഗ്യരായ ഉദ്യോഗാർത്ഥികൾക്ക് കേരള പി.എസ്.സിയുടെ ഔദ്യോഗിക വെബ്സൈറ്റ് വഴി ഓൺലൈനായി അപേക്ഷിക്കാം. അപേക്ഷിക്കുന്നതിനു മുമ്പ് ഉദ്യോഗാർത്ഥികൾ പി.എസ്.സിയുടെ വെബ്സൈറ്റ് വഴി ഒറ്റ തവണ രെജിസ്ട്രേഷൻ ചെയ്യണം. ജൂൺ 4 വരെ അപേക്ഷിക്കാൻ അവസരമുണ്ട്. കൂടുതൽ വിവരങ്ങൾക്കായി താഴെയുള്ള നോട്ടിഫിക്കേഷൻ ലിങ്ക് സന്ദർശിച്ച ശേഷം ഔദ്യോഗിക വിജ്ഞാപനം വായിച്ചു മനസ്സിലാക്കുക.